Partido hanesan instrumen demokratiku no autor ba deznvolvimentu iha kualker pais liu husi institusi nebe iha kompetensia wainhira kaer ukun e manan iha elisaun. Atu bele hatene desafiu ho obstaklu nebe komunidade infrenta base liu-liu iha area remotes Bureau Politiku Partidu Sosialista halao deslokasaun ba Suco Molop, Suco Sibuni, Sub-Distritu Bobonaro. Iha seremonia hasae bandeira PST iha Suco Sibuni, Chefi de Suco Sibuni hato'o mos prekupasaun kona infrastruktura nebe sai hanesan obstaklu boot ida ba vida komunidade nia moris, tanba durante udan tau rai sempre akontese rai halai e inudasaun hodi fo impaktu ba komunidade sira labele halao vida ekonomia hanesan faan sira nia produtu lokal ba merkadu ka basar. Tentativa hirak ho objetivu atu bele sustenta sira nia vida moris e sosa netik minarai hodi bele fo naroman iha tempu kalan.
Iha parte agrikultura chefi de Suci Sibuni nee hatoo mos kestaun kona presu produtu lokal (Aleurites mollucana ka kami'i) ne'ebe iha folin baratu teb-tebes kada kg 1 kona $0.35 sen dolar Amerikanu. Lamentasaun nebe sira hatoo tanba prosesu atu hetan kami'i nia isin mos liu husi prosesa ida ke naruk ho kolen tanba uza sistema manual e loke ho liman. Produtu lokal hanesan kami'i iha area neba'a dala kada uma kain idabele hetan too 300kg kada periodu kuu. Maibe seidauk iha programa Guvernu ida mak bele halao e sosa produtu ida nee, husi parte Guvernu so sosa deit mak hare no batar, dehan chefi de Suco no koordenador PST iha area neeba. Programa neebe Guvernu garantia no halao kampainha katak (POVU KUDA GOVERNO SOSA), realidade ponteiro politika programa Guvernu nee lao kontradi husi esquerda ba direita (JARUM JAM BERBALIK ARAH) ho sentidu katak (GUVERNU KUDA POVU SOSA). Sosa tanba fos MTCI ho presu $12.00 US. tanba fos importasaun folin baratu liu duke fos lokal nebe kada $28.00US, Tanba nee husu ba Guvernu atu bele redus importasaun fos hodi bele promeve fila fali fos rai e fos lokal.
No comments:
Post a Comment